Politika eta
ustelkeria
Ustelkeria
politikan gaur egun pil-pilean dagoen gai bat da. Betidanik egon den arazo bat
izan arren, azken urte hauetan kasu asko ateratzen ari dira. Biztanlerian,
politika eta ustelkeriaren arteko harremana oso estua delaren iritzia zabaltzen
ari da. Baina bidezkoa da hau esatea?
Alde batetik, iritzi honen arrakasta normala iruditzen zait. Orain bizi dugun
krisiaren ondorioz, kasu hauek kalte handiagoa egiten dute gizartean. Jendea
bere etxeetatik botatatzen ari diren bitartean, zenbait politikari eta
enpresaburu mugarik gabe aberasten ari dira. Gainera, aberastasun hori metodo
“zikinen” bidez lortzen dute: legez kanpo jokatzen, pertsonen etsipenaz
aprobetxatzen, gezurrak erabiltzen…
Beste aldetik, alderdi politikoak orain arte izan duten “pasibitatea” kasu hauen
aurrean ere deigarria da. Honek, politikari guztiak “zaku” berdinean sartzea
eta hauengan mesfidantza sortzea eragiten du. Jendea politikariengan
konfidantza galtzea lortu da eta egoera honi buelta emateko lan handia egin
beharko dute alderdi politikoak.
Hala ere, ezin da orokortu. Izan ere, badira
herriarentzat lan egiten duten politikari zintzoak eta garbiak, gutxiengo bat
izan arren. Pertsona hauek, politika hobetzen saiatzen ari dira. Eta helburu hau lortzeko biztanleriaren laguntza
ezinbesteko da. Beraz, ezin gara etxeko sofan gelditu, kalera
atera behar gara eta ustelkeriarekin bukatu nahi dugula erakutsi.
Laburbilduz, ustelkeria gaur egungo arazo larria dela argi dago. Ezin dugu
politikari guztiak honetan parte hartzen dutela esan, baina arazoa gehiegi
zabaldu da hauen artean. Nire iritziz, irtenbidea gure eskuetan dago eta nahi
dugun ustelkeriarik gabeko gizartea eta politika eraiki behar dugu.
Tasio
Arza Gomez.
No hay comentarios:
Publicar un comentario